Deputat Pałaty pradstaŭnikoŭ budzie absłuhoŭvacca ŭ svajoj rajonnaj paliklinicy pa miescy žycharstva. Choć mahła b pieravieścisia i naziracca ŭ elitnaj miedycynskaj ustanovie, paviedamlaje «Biełaruski partyzan».

fota Siarhieja Hudzilina

Jak viadoma, deputaty prymacavanyja da palikliniki Respublikanskaha kliničnaha miedcentra Kiraŭnictva spraŭ prezidenta.

«Usio dakładna: kožny deputat maje prava absłuhoŭvacca ŭ lečkamisii, — raspaviała Alena Anisim. — I ŭ tych, chto pryjechaŭ u Minsk z rehijonaŭ, viadoma, inšaha varyjantu niama — treba prymacoŭvacca da lečkamisii.

A što tyčycca mianie, to ja liču, što ŭ nas u krainie paŭsiul pavinna być kvalifikavanaja miedycynskaja dapamoha. Ja karystajusia pasłuhami svajoj učastkovaj palikliniki. Dy i pa daktarach, pryznacca, chadžu nie tak časta. Tamu nie baču sensu pierachodzić z adnoj staličnaj palikliniki ŭ inšuju.

I ščyra kažučy, prosta nie chaču hublać na heta čas. Kab aformicca ŭ lečkamisiju, treba vydatkavać ceły dzień, a potym jašče prajści abśledavańni roznyja. Mnie heta nie vielmi zručna.

Da taho ž usim viadoma, što ciapier budujuć novuju lečkamisiju ŭ Ždanovičach, značyć, kali jaje zdaduć, pryjdziecca jeździć tudy. Dla mianie heta nie samy zručny varyjant. Mnie dobra i ŭ svajoj paliklinicy №32 kala doma.

Viadoma, kali prychodžu da svajho ŭčastkovaha doktara, ja nie biaru z saboj paśviedčańnie deputata — idu, jak i ŭsie, pa tałonach praz ahulnuju čarhu. Ja liču, što heta absalutna narmalna, bo deputat pradstaŭlaje intaresy svaich vybarščykaŭ, jakija taksama chodziać u tuju ž palikliniku.

Nu, a kali va ŭčastkovaj paliklinicy niama jakoha-niebudź śpiecyjalista abo nielha prajści niejkaje abśledavańnie, možna źviarnucca i ŭ płatnyja centry».

***

Na telehram-kanał «Našaj Nivy» možna padpisacca tut.

Клас
Панылы сорам
Ха-ха
Ого
Сумна
Абуральна