La Muzieja naturalnaj historyi ŭ centry Łondana aŭtamabil vyjechaŭ na tratuar, u vyniku čaho niekalki čałaviek atrymali ranieńni, paviedamlaje VVS.

rosarodanews/twitter

U zajavie palicyi paznačana tolki, što traŭmy atrymali niekalki piešachodaŭ, adnak ich ranieńni niaznačnyja.

Incydent adbyŭsia na vulicy Ekzibišn-roŭd u rajonie Paŭdniovy Kiensinhton. Ciapier palicyja viadzie rasśledavańnie zdareńnia i sprabuje vyśvietlić matyŭ. Pieršapačatkova paviedamlałasia, što palicyja nie razhladaje viersiju teraktu, adnak paźniej vyśvietliłasia, što hetaja viersija nie vyklučajecca. Palicyjanty taksama paćviardžajuć, što na miescy incydentu byŭ zatrymany adzin čałaviek.

Muziej naturalnaj historyi evakujavany.

Vidavočca zdareńnia raspaviadaje: «My čakali la śviatłafora, i ŭ hety momant ja pačuŭ rezkija huki, padobnyja da strełaŭ, i my ŭbačyli, jak na tratuar vyskačyła mašyna. My kinulisia biehčy, maja siabroŭka ŭpała na ziamlu i parezała sabie ruki».

Žančyna, jakaja nie pažadała nazvać svajo imia, zajaviła: «Kali ŭsio trochi ścichła, my viarnulisia na toje miesca, dzie byli, i ŭbačyli, što na ziamli lažyć mužčyna, jakoha ŭtrymlivali palicejskija».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?