U Słonimie sudziać padletka, jaki abvinavačvajecca ŭ žorstkim zabojstvie dziaduli z babulaj, jakija jaho vyhadavali. Pa słovach prakurora, unuk nanios babuli nie mienš za 16 udaraŭ. Dziadulu — nie mienš za 27 udaraŭ. Źmiakčalnych abstavinaŭ u spravie niama. Padrabiaznaści z suda ŭ Słonimie pieradaje karespandent TUT.BY.

Słonimski skulptar Leanid Bohdan i jaho žonka Tamara byli zabityja ŭ kancy krasavika. Ich unuka kličuć Alaksandram Hrudźko, u momant złačynstva jamu było 16 hadoŭ, u žniŭni spoŭniłasia 17. Znajomyja siamji raspaviadali, babula ź dziadulem vychoŭvali Sašu z troch hadoŭ. Mama chłopčyka ŭ apošni čas žyła ŭ Arabskich Emiratach, dapamahała hrašyma, pryjazdžała ŭ hości. Jak paviedamlała UUS Hrodzienskaha abłvykankama, padčas kanfliktu ŭnuk ŭziaŭ nož, mietaličny šuflik, zabiŭ babulu i surjozna paraniŭ dziadulu. Piensijanier prasiŭ vyklikać chutkuju, ale Alaksandr adpraviŭsia ŭ haraž, uziaŭ siakieru i dabiŭ skulptara. Paźniej vopratku i siakieru padazravany vykinuŭ u bałocistuju miascovaść na race Ščary, jakaja praciakaje niedaloka ad doma. Dalej junak nakiravaŭsia ŭ Śviata-Trajecki sabor i raspavioŭ śviataru, što ŭ chatu ŭvarvalisia rabaŭniki ŭ maskach i ździejśnili zabojstva. Supracoŭniki milicyi ž ustanavili, što nijakich rabaŭnikoŭ nie było. Krychu paźniej Alaksandr pryznaŭsia ŭ ździajśnieńni zabojstva.

Leanid Bohdan, jaki staŭ achviaraj ułasnaha ŭnuka, byŭ viadomym skulptaram.

Leanid Bohdan, jaki staŭ achviaraj ułasnaha ŭnuka, byŭ viadomym skulptaram.

Alaksandru Hrudźko 17 hadoŭ. Jon spakojna siadzić u kletcy. Z ulikam uzrostu abvinavačanaha jamu pahražaje ad 8 da 12 hadoŭ, paviedamiła TUT.BY prakuror pa spravie Alina Vojšal.

U sud pryjšło niamała ludziej. Pryznajucca, jany nie rodnyja, prosta viedali siamju zabitych.

— Ja razmaŭlała z susiedziami, kažuć, babula na jaho vielmi cisnuła… Dumała, što jon užyvaje narkotyki, — raspaviadaje haradžanka Lidzija Zialenskaja. — Mahčyma, heta ŭsio i spravakavała.

Alaksandr Hrudźko. Fota: Dźmitryj Bruško, TUT.BY

Alaksandr Hrudźko. Fota: Dźmitryj Bruško, TUT.BY

Mama abvinavačanaha Kaciaryna Bohdan i tata, jon ža zakonny pradstaŭnik syna, Vasil Hrudźko źjavilisia kala dźviarej zały suda niezadoŭha da pačatku pasiadžeńnia. Baćki Alaksandra ŭ razvodzie, u abaich novyja siemji, jość niepaŭnaletnija dzieci. Kaciaryna Bohdan pryznanaja paciarpiełaj pa spravie. Jana raspaviała, što žyvie ŭ Dubai i zajaviła chadajnictva ab pryznańni paciarpiełym jašče adnaho čałavieka — rodnaha brata zahinułaj.

Baćki, abvinavačany i abaronca paprasili pravieści sud u zakrytym režymie. Svajo rašeńnie jany rastłumačyli tym, što ŭ sudzie budzie abmiarkoŭvacca asabistaje žyćcio siamji.

Sprava — baćki Alaksandra. Fota: Dźmitryj Bruško, TUT.BY

Sprava — baćki Alaksandra. Fota: Dźmitryj Bruško, TUT.BY

— Davoli ciažka pry vialikaj kolkaści asob raspaviadać asabistyja rečy, jakija, mahčyma, prychoŭvalisia i nie pavinny byli vynosicca na ŭsieahulny ahlad, — patłumačyła advakat abvinavačanaha.

Dziaržabvinavaŭca chadajnictva nie padtrymała. Sud budzie adkrytym (paśla pierapynku sud usio ž pieraviali ŭ zakryty režym).

Prakuror Alina Vojšal začytała abvinavačańnie. Pavodle jaje słoŭ, 29 krasavika 2017 hoda ŭ čas svarki z babulaj u svaim pakoi Alaksandr «naŭmysna i z asablivaj žorstkaściu» staŭ nanosić ŭdary nažom pa hałavie i ŭ hrudzi babuli. Na kryk prybieh dzied i pasprabavaŭ zabrać nož.

— Babula vybiehła na kuchniu, dzie znachodziŭsia telefon, — praciahnuła dziaržabvinavaŭca. — Jon nahnaŭ jaje na kuchni i praciahnuŭ nanosić udary nažom.

U vyniki babuli ŭnuk nanios nie mienš za 16 udaraŭ. Jana pamierła na miescy. Paźniej unuk znoŭ napaŭ na dzieda. Sprabujučy vyratavacca, mužčyna vybieh na vulicu. Alaksandr dahnaŭ jaho ŭ dvary i nanios try ŭdary mietaličnym šuflikam. Zatym zaciahnuŭ dzieda ŭ kalidor, uziaŭ siakieru i praciahnuŭ nanosić udary. Usiaho dziadulu jon nanios nie mienš za 27 udaraŭ. Pa słovach prakurora, źmiakčalnych akaličnaściaŭ u spravie nie ŭstanoŭlena. Svaju vinu Alaksandr pryznaŭ całkam.

Padčas dopytu Alaksandr raspavioŭ, što naradziŭsia ŭ Minsku. Paźniej pierajechaŭ u Słonim, dzie z troch hadoŭ žyŭ ź dziadulem i babulaj.

— Čamu vy žyli ź dziedam i babulaj? — udakładniła prakuror Alina Vojšal.

— Baćki raźvialisia, — tolki adkazaŭ abvinavačany.

Paśla pierapynku rodnyja padletka jašče raz paprasili zakryć sud. Svajo rašeńnie jany rastłumačyli tym, što infarmacyja vielmi chutka pastupaje ŭ internet, praz heta mohuć paciarpieć inšyja ludzi. U pryvatnaści, ich niepaŭnaletnija dzieci. Pa słovach Kaciaryny, jaje baćka byŭ publičnym čałaviekam, i jana b nie chacieła, kab padrabiaznaści jaho asabistaha žyćcia stali zdabytkam hramadskaści.

Baćka padletka, Vasil, rastłumačyŭ, što paśla taho, što zdaryłasia, zastaŭsia biez pracy.

— Heta trahiedyja adnoj maleńkaj siamji, — praciahnuŭ zakonny pradstaŭnik. — Ja nie baču nijakaj praktyčnaj karyści ŭ aśviatleńni hetaj spravy. Tolki škodu, jakuju heta moža nanieści.

Jon taksama paviedamiŭ, što padčas nastupnych pasiadžeńniaŭ «vymušany ŭziać samaadvod».

Paśla hetych arhumientaŭ sud pryniaŭ rašeńnie zakryć praces.

Nahadajem, adrazu paśla zabojstva susiedzi i znajomyja siamji raspaviadali: Alaksandr — chłopčyk dobry, spakojny, lubić sport. Siaredni bał, paviedamiła dyrektar škoły, upeŭnienaja siamiorka, surjozna staviŭsia da sportu, zajmaŭsia ŭ fitnes-kłubie i źbiraŭsia pastupać u Instytut fizkultury.

Padletka abvinavačvajuć pa pp. 6, 8, 16 č. 2 art. 139 (Zabojstva, učynienaje z asablivaj žorstkaściu, z metaj schavać inšaje złačynstva, ździejśnienaje asobaj, jakaja raniej učyniła zabojstva […] KK RB). Jak paviedamiła prakuror, z ulikam uzrostu abvinavačanaha jamu pahražaje ad 8 da 12 hadoŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0