Marca.es

Marca.es

Vystupajučy ŭ parłamiencie 10 kastryčnika, prezident Ženieralitata (urada) Karles Pučdemon prapanavaŭ pačakać z abviaščeńniem niezaležnaści niekalki tydniaŭ i zaklikaŭ Madryd da dyjałohu, paviedamlaje La Vanguardia.

«My nie majem ničoha suprać ispancaŭ, ale adnosiny nie pracujuć, i ničoha, kab źmianić situacyju, Madryd za hetyja hady nie zrabiŭ. Paśla śmierci Franka Katałonija stała ekanamičnym ruchavikom Ispanii i faktaram madernizacyi i stabilnaści», — zajaviŭ Pučdemon. Jon zaznačyŭ, što urad Katałonii pry mahčymaści praviadzie jašče adno pasiadžeńnie, kab zapuścić praces adździaleńnia.

Tym časam šerah deputataŭ raskrytykavali vystup Pučdemona, zajaviŭšy, što Katałonija pavinna być niezaležnaj.

Čakałasia, što siońnia viečaram Pučdemon dekłaruje niezaležnaść. Ale pierad jaho pramovaj ŭłady Ispanii zaklikali kiraŭnika Katałonii «nie rabić ničoha niezvarotnaha», a staršynia Jeŭrapiejskaj rady Donald Tusk pieraściaroh ad rašeńniaŭ, jakija «zrobiać dyjałoh niemahčymym». Pasiedžańnie parłamienta ŭ vyniku było pieraniesiena na hadzinu. Kala ścien parłamienta sabrałasia niekalki sotniaŭ čałaviek.

***

1 kastryčnika ŭ Katałonii — rehijonie na paŭnočnym uschodzie Ispanii z nasielnictvam u 7,2 młn čałaviek i terytoryjaj 32 tys. kv. km — prajšoŭ refierendum. Na ŭčastki pryjšli 42%, niahledziačy na sprobu Madryda błakavać hałasavańnie. Za niezaležnaść, pa acenkach uładaŭ Katałonii, prahałasavała 90%.

Premjer Ispanii Maryjana Rachoj nazvaŭ plebiscyt insceniroŭkaj, a karol Ispanii Filip VI zajaviŭ, što Katałonija sprabuje złamać adzinstva krainy i parušyć harmoniju suisnavańnia narodaŭ. 

Клас
0
Панылы сорам
0
Ха-ха
0
Ого
0
Сумна
0
Абуральна
0