U Stalovaj Voli ŭ Padkarpackim vajavodstvie Polščy mužčyna napaŭ z nažom na naviedvalnikaŭ handlovaha centra. U vyniku napadu zahinuła 50-hadovaja žančyna, jašče dzieviać čałaviek atrymali ranieńni, paviedamlaje Radyjo Polšča.
Incydent adbyŭsia kala 15.00 u piatnicu. Čałaviek napadaŭ na ludziej zzadu, nanosiačy ŭdary ŭ śpinu.
Niekatoryja z naviedvalnikaŭ akazali supraciŭ i abiasškodzili mužčynu, pavaliŭšy jaho na padłohu. Napadnika ŭtrymlivali da prybyćcia palicyi.
27-hadovy žychar Stalovaj Voli zatrymany. Padčas napadu jon byŭ ćviarozy, palicyja pravieryła jaho na pradmiet prysutnaści ŭ kryvi narkatyčnych rečyvaŭ.
Paviedamlajecca, što zatrymany raniej da kryminalnaj i administracyjnaj adkaznaści nie pryciahvaŭsia.
Za situacyjaj sočyć premjer-ministr Polščy Bieata Šydła, jakaja adrazu ž paśla napadu źviazałasia ź miascovymi ŭładami, a taksama ministrami ŭnutranych spraŭ i achovy zdaroŭja z daručeńniami apieratyŭna vyśvietlić akaličnaści złačynstva i ŭsialak sadziejničać paciarpiełym.
