Były palitviazień i eks-kandydat na pasadu prezidenta Mikałaj Statkievič 21 kastryčnika pravodzić vuličnuju akcyju pratestu «Marš aburanych biełarusaŭ 2.0».

Palityk zaklikaje ludziej pryjści a 14:00 na Kastryčnickuju płošču ŭ Minsku.

Siarod tych pytańniaŭ, jakija płanujecca razhledzieć na płoščy: dekret ab «darmajedach», pavyšeńnie zarobkaŭ i piensij, a taksama śmierci navabrancaŭ u vojsku. Apošni punkt staŭ aktualny paśla trahičnaj hibieli ŭ vajskovaj čaści ŭ Piečach pryzyŭnika Alaksandra Koržyča.

Napiaredadni akcyi mnohija lidary vuličnych pratestaŭ byli pakaranyja administracyjnymi aryštami: Pavieł Sieviaryniec, Jaŭhien Afnahiel, Maksim Viniarski, zavočna asudžany Viačasłaŭ Siŭčyk.

Papiaredniuju akcyju pratestu Statkievič pravodziŭ 8 vieraśnia — u Dzień biełaruskaj vajskovaj słavy, — tady na jaje sabrałasia kala trochsot čałaviek. Ludzi prajšli šeściem ad Kastryčnickaj płoščy da płoščy Jakuba Kołasa. U toj raz udzielniki pratestavali suprać vučeńniaŭ «Zachad-2017».

Na telehram-kanał «Našaj Nivy» možna padpisacca tut.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?