U Katałonii adreahavali pratestam pustych rondalaŭ na vystup premjer-ministra Ispanii Marjana Rachoja, paviedamlajuć infarmahienctvy.
Rachoj siońnia paśla ekstrannaha pasiadžeńnia anansavaŭ zachady, jakija ŭłady Ispanii majuć namier raspačać u dačynieńni da Katałonii. Havorka idzie ab rospusku ŭrada i parłamienta Katałonii.
U adkaz na hetyja vykazvańni katałoncy zładzili spantannuju akcyju: jany vyjšli na bałkony i pačali stukać łyžkami ab kuchonny posud — rondali, patelni i h. d. Kolkaść pratestujučych nie nazyvajecca, adnak adznačajecca, što akcyju padtrymali mnohija.
Mer Barsiełony Ada Kołau nazvała rašeńnie ispanskich uładaŭ atakaj na pravy i svabody žycharoŭ Katałonii. Kiraŭnik aŭtanomii Karles Pučdemon pakul nie prakamientavaŭ situacyju, jon źbirajecca siońnia ŭviečary vystupić sa śpiecyjalnaj zajavaj.
