Śpiecyjalisty z Kornelskaha ŭniviersiteta Ńju-Jorka vyśvietlili, jak raspaznać iłžyvyja pasłańni ŭ pierapiscy. Dla hetaha jany raspracavali ułasny Android-miesiendžar i sabrali kalekcyju z 1,7 tys. dyjałohaŭ.
Usie dyjałohi padzialili na dźvie padhrupy. U adnoj surazmoŭcy paviedamlali praŭdzivuju infarmacyju, a ŭ inšaj — nachabna chłusili. U vyniku byli atrymanyja cikavyja vysnovy.
U pryvatnaści, udałosia vyjavić, što mužčynskuju chłuśniu ŭ paviedamleńniach raspaznać składaniej. Žančyny, kali chłusiać, vykarystoŭvajuć doŭhija i padrabiaznyja teksty, u toj čas jak daŭžynia mužčynskich paviedamleńniaŭ nie źmianiajecca ŭ zaležnaści ad praŭdzivaści ci łžyvaści pasłańniaŭ.
Kažučy niapraŭdu, žančyny čaściej pišuć «ja», a mužčyny — «moj». Taksama chłuślivyja dyjałohi praciatyja ni da čaho nie abaviazvajučymi ŭniklivymi słovami: «mahčyma», «zdajecca», «imavierna», «viadoma» i h. d.
