Rasija budzie pastupova admaŭlacca ad vajennaj słužby pa pryzyvie, paviedamlaje DW. Razam z tym z-za biudžetnych abmiežavańniaŭ hety praces idzie zapavolenymi tempami, zajaviŭ u aŭtorak prezident RF Uładzimir Pucin.

«Projdzie nievialiki čas», i «naohuł hetaje pytańnie budzie nieaktualnaje», ličyć Pucin. Pry hetym jon nie ŭdakładniŭ, ź jakich krynic płanujecca vydzialać finansavańnie na hetyja mety. «Pakul hatovaha receptu niama», — dadaŭ jon.

Pa słovach Pucina, Minabarony RF ciapier stvaraje «technapark» dla padrychtoŭki vypusknikoŭ vyšejšych navučalnych ustanoŭ, jakija zmohuć prachodzić słužbu jak pryzyŭniki.

U vosieński pryzyŭ, jaki budzie doŭžycca da 31 śniežnia, na vajennuju słužbu va ŭzbrojenyja siły RF płanujecca zaklikać 134 tysiačy čałaviek.

U pačatku kastryčnika stała viadoma, što ŭrad Rasii prapanavaŭ pavialičyć vydatki na abaronu ŭ 2017 hodzie na 180 młrd rubloŭ. Ahulny biudžet na hetyja mety moža skłaści zvyš za 3 trłn rubloŭ (3,3% VUP). Pry hetym vydatki na miedycynu, adukacyju i sacyjalnuju palityku mohuć być skaročanyja na 54 młrd rubloŭ.

Клас
Панылы сорам
Ха-ха
Ого
Сумна
Абуральна