Telekanał belsat.eu padaravaŭ Alaksandru Saładuchu bajku z hierbam «Pahonia» paśla taho, jak śpiavak skazaŭ, što nie nosić rečy ź biełaruskaj simvolikaj, bo ich u jaho niama.
Alaksandr Antonavič sustreŭ žurnalistaŭ u Miensku ŭ toj samaj kurtcy z rasiejskim hierbam, jakaja vyklikała dyskusiju ŭ sacyjalnych sietkach.
«Ja nie razumieju čamu?» — uśmichajecca śpiavak.
Padarunak — bajka z «Pahoniaj» — jamu spadabaŭsia, ale adzieć jaje adrazu śpiavak admoviŭsia. Pa-pieršaje, na vulicy chałodna i zdymać ciopłuju kurtku jamu nie chaciełasia.
«Nu i ja spačatku pamieraju ŭdoma, pierad lusterkam», — skazaŭ jon.
Uśmichajučysia, raspavioŭ žurnalistam, što 16 listapada źbiare KZ Minsk. A potym — vystupy ŭ Sankt-Pieciarburhu i Sočy. Paabiacaŭ, što ŭ Sočy pajedzie z bajkaj z «Pahoniaj» i adzienie jaje na repietycyju.
«Na kancert nie, dla kancerta — kaściumy», — skazaŭ Alaksandr Saładucha.