Vyniesieny prysud maładomu čałavieku, jaki ŭ lipieni abstralaŭ tralejbus ŭ Hrodnie ź pnieŭmatyčnaj zbroi, paviedamili BiełTA ŭ prakuratury horada.

Žycharu Hrodna pryznačany hod pazbaŭleńnia voli z umovaj, što pakarańnie nie budzie prymianiacca, kali ŭ nazvany termin abvinavačany budzie vykonvać uskładzienyja na jaho sudom abaviazki i vypłacić kampiensacyju ŭ 80 bazavych vieličyń u dachod dziaržavy.

Incydent adbyŭsia ŭnačy 28 lipienia. Tralejbus ruchaŭsia pa horadzie, kali prahučali chłapki, charakternyja dla pnieŭmatyčnaj zbroi. U hety momant mima pranosiŭsia lehkavy aŭtamabil ciomnaha koleru. Mienavita ź jaho i stralali. U vyniku škło ŭ kancy sałona akazałasia pabitym. Siarod pasažyraŭ paciarpiełych nie było.

Znajści padazravanaha ŭdałosia dziakujučy zvanku adnaho z žycharoŭ horada. Zatrymany małady čałaviek 1995 hoda naradžeńnia. Toj nočču jon razam z pryjacielami kataŭsia na mašynie baćki. Za rul pasadziŭ siabra, bo sam byŭ pjany. Z hazavaha TT jon abstralaŭ tralejbus, aŭtazapraŭku, niekalki lichtaroŭ i biłbordaŭ.

Kali chłopiec daviedaŭsia, što jaho šukajuć, pazbaviŭsia ad zbroi, vykinuŭšy jaho ŭ raku, a mašynu addaŭ u ramont. 

Клас
Панылы сорам
Ха-ха
Ого
Сумна
Абуральна