Kałaž Alaksandra Mielichaŭca.
Za adnu noč z 29 na 30 kastryčnika 1937 hoda NKVD rasstralała bolš za sotniu biełaruskich dziejačoŭ kultury roznych nacyjanalnaściej. U ich liku byli Todar Klaštorny, Michaś Zarecki, Mojša Kulbak, Aleś Dudar, Izi Charyk, Anatol Volny, Michaś Čarot, Juli Taŭbin, Płaton Hałavač dy inš. Heta była kulminacyja vyniščeńnia savietami biełaruskich elitaŭ.
Usiaho saviety represavali kala 600 tysiač žycharoŭ Biełarusi. Prykładna 200 tysiač ź ich zahinuli.
Byli represavanyja praktyčna ŭsie mocnyja viaskovyja haspadary, usie ministry i top-mieniedžary pradpryjemstvaŭ, bolšaść akademikaŭ i prafiesaraŭ, 90% piśmieńnikaŭ, niezaležna ad nacyjanalnaści i palityčnych pierakanańniaŭ.
Jak i hitleraŭski, stalinski režym vyniščaŭ elity padkantrolnych narodaŭ, kab padavić ich zdolnaść da supracivu. Represii ŭ Biełarusi byli asabliva maštabnymi, bo naša kraina miežavała ź jeŭrapiejskimi, a značyć, ličyłasia patencyjna zdolnaj da paŭstańnia i adździaleńnia.
U pamiać pra «čornuju noč» u niadzielu ad 23-j viečara ŭ Kurapatach, u miescy pachavańnia achviaraŭ savieckaha režymu, projduć načnyja čytańni z udziełam historykaŭ, paetaŭ i muzykaŭ.
