«Nichto nikoli nie daviedajecca pra Katałoniju jak pra niezaležnuju krainu». Takuju zajavu zrabiŭ kiraŭnik Jeŭraparłamienta Antonia Tajani. Jon nazvaŭ refierendum u rehijonie niezakonnym, a pieraadoleńnie jaho nastupstvaŭ - unutranym pytańniem Ispanii, a nie mižnarodnaj prablemaj. Pra heta piša Associated Press.
Staršynia Jeŭraparłamienta nazvaŭ «pravilnaj spravaj» adchileńnie ad svaich pasadaŭ lidaraŭ Katałonii i pryznačeńnie novych vybaraŭ u parłamient rehijona. Pavodle słoŭ Antonia Tajani, vybary dazvolać katałoncam «vyrašyć, jaki ŭrad jany chočuć mieć. Usio pavinna adbyvacca ŭ adpaviednaści z Kanstytucyjaj Ispanii».
Novyja vybary pryznačanyja na 21 śniežnia.
Jeŭropa spadziajecca, dadaŭ Tajani, što dyjałoh moža dapamahčy vyrašyć «składanuju situacyju», ale «heta nie aznačaje, što Jeŭrapiejski Sajuz moža vystupać pasiarednikam».
Hiermanija, Vialikabrytanija, Francyja i niekalki inšych krain užo admovilisia pryznać niezaležnaść Katałonii. Na dumku jeŭrapiejskich lidaraŭ, Ispanija pavinna zastavacca adzinaj.
Były katałonski lidar Karles Pučdemon, jaki pazbaviŭsia svajoj pasady, u subotu zaklikaŭ katałoncaŭ da mirnaha supracivu zachopu Ispanii.
Napiaredadni ispanski ŭrad pazbaviŭ Katałoniju aŭtanomii. Kiraŭnikom rehijona była pryznačanaja pieršy vice-premjer Ispanii Saraja Saens de Santamaryja.
