Pra heta paviedamili karespandentu BiełTA ŭ pres-słužbie Ministerstva achovy zdaroŭja. «Stan dziciaci stabilna ciažki. Jano padklučanaje da aparata štučnaj vientylacyi lohkich i znachodzicca ŭ stanie miedykamientoznaha snu», - skazali ŭ pres-słužbie.
Incydent adbyŭsia dniom 28 kastryčnika pablizu vulicy Daŭmana ŭ Minsku. Jak prainfarmavała aficyjny pradstaŭnik Minskaha haradskoha ŭpraŭleńnia MNS Volha Mielčanka, paviedamleńnie pra dzicia, jakoje tonie, pastupiła ŭ 16.55. Chłopčyk byŭ u Śvisłačy na adlehłaści 15 m ad bieraha, kala damby, jakaja padzialaje Kamsamolskaje voziera i raku. Da prybyćcia ratavalnikaŭ i chutkaj dapamohi dzicia vyciahnuŭ z vady vypadkovy minak - 15-hadovy pieršakurśnik Minskaha dziaržaŭnaha prafiesijnaha liceja №9 aŭtamabilebudavańnia Vital Citoŭ. Jon špacyravaŭ niepadalok, kali pačuŭ kryki ab dapamozie. Klikała žančyna ź dziciom, jakaja stajała na bierazie. Chłopiec pierabieh na druhi bierah raki (adtul było praściej dabracca da dziciaci, jakoje tanuła), skoknuŭ u vadu i vyciahnuŭ chłopčyka na bierah.
Dzieviacihadovy chłopčyk byŭ pieradadzieny bryhadzie chutkaj dapamohi biez dychańnia i sercabićcia. Miedyki zmahli zapuścić serca dziciaci. Vyratavany byŭ dastaŭleny ŭ špital.
