Usie ciapierašnija himnazisty zmohuć praciahnuć navučańnie ŭ svajoj ustanovie adukacyi, paviedamili karespandentu BiełTA, kamientujučy płanavanuju admienu ŭstupnych ekzamienaŭ u piaty kłas.
U viedamstvie adznačyli, što nichto nie źbirajecca adličvać himnazistaŭ, jakija ŭžo vučacca ŭ hetaj navučalnaj ustanovie, ale nie pražyvaje na zamacavanaj za joj terytoryi.
Tyja, chto vučycca ŭ himnazijach, zmohuć praciahnuć navučańnie. U tym liku heta tyčycca ciapierašnich čaćviortakłaśnikaŭ - jany prosta piarojduć u piaty kłas.
Jak paviedamlałasia raniej, himnazii jak vyhlad ŭstanovy adukacyi zachavajucca. Jak i zvyčajnyja škoły, jany buduć realizoŭvać prahramu pačatkovaj i bazavaj adukacyi, dalej vyvučeńnie pradmietaŭ budzie vieścisia na pavyšanym uzroŭni - heta 10-ja i 11-ja kłasy. Adpaviedna ustupnyja ekzamieny ŭ 5-ja kłasy himnazij admieniać, zamiest hetaha adbor u himnazii prapanujecca ažyćciaŭlać pa vynikach atestacyi za kurs bazavaj škoły.
U ministerstvie ličać, što adbor dla vyvučeńnia pradmietaŭ na pavyšanym uzroŭni pavinien ažyćciaŭlacca paśla 9-ha kłasa - navučeniec pavinien zrabić svoj śviadomy vybar. Prymać u pieršy kłas himnazij buduć pa terytaryjalnaj prykmiecie - tak, jak heta było ŭ zvyčajnych škołach.
