Minskija «Cmoki» atrymali druhuju pieramohu ŭ rehularnym čempijanacie Adzinaj lihi VTB, paviedamlaje karespandent BiełTA.
U pajadynku čaćviortaha tura minčanie abyhrali na svajoj placoŭcy aŭtsajdera spabornictvaŭ piermskuju «Parmu» ź minimalnaj pieravahaj — 66:65 (22:11, 19:17, 15:16, 10:21). Na praciahu amal usiaho hulniavoha času padapiečnyja Alaksandra Krucikava ŭpeŭniena lidziravali, ale ŭ zaklučnaj čverci hości pierachapili inicyjatyvu, i «cmokam» ź vielizarnaj ciažkaściu ŭdałosia vyjhrać.
Samym vynikovym u składzie minčan staŭ vieteran kamandy Alaksandr Kudraŭcaŭ, jaki nabraŭ 12 ačkoŭ.
U papiarednim tury «bankaŭskaha» turniru čempijony Biełarusi pierajhrali ŭ Minsku kazachstanskuju «Astanu» (75:66), a ŭ dvuch startavych pajadynkach paciarpieli dźvie haściavyja parazy ad dvuch favarytaŭ - padmaskoŭnych «Chimak» (55:83) i maskoŭskaha CSKA (54: 90).
Nastupny matč Adzinaj lihi VTB «Cmoki» praviaduć 5 listapada na placoŭcy «Minsk-Areny» suprać kazanskaha «Uniksa», jaki vyjhraŭ usie try papiarednija sustrečy ciapierašniaha siezonu. Da sustrečy z kazanskaj družynaj «Cmoki» praviaduć haściavy matč hrupavoha etapu rozyhryšu Kubka FIBA-Jeŭropa. 1 listapada ŭ vienhierskim Siekiešfiechiervary ich čakaje sustreča ź miascovaj «Albaj».
U startavym tury kvarteta F minčanie prajhrali na svajoj arenie bielhijskamu «Šarlerua» ź likam 76:78, a zatym abyhrali na vyjeździe izrailski kłub «Bniej Hierclija» - 69:63.
