Jak paviedamiŭ karespandentu BiełTA načalnik adździaleńnia ahitacyi i prapahandy DAI UUS Viciebskaha abłvykankama Alaksandr Kaziučyc, trahiedyja adbyłasia kala 18.30 prykładna za kiłamietr ad Oršy (na aŭtadarozie Orša-Miežava).
Žychar Oršy 1958 hoda naradžeńnia na aŭtamabili «Ford Tranzit» źbiŭ žančynu-piešachoda, jakaja ad atrymanych traŭmaŭ pamierła na miescy DTZ. Asoba zahinułaj pakul nie vyśvietlenaja.
Pa słovach kiroŭcy, avaryja adbyłasia litaralna adrazu paśla sustrečnaha raźjezdu, i jon nie paśpieŭ adreahavać. DAI šukaje śviedkaŭ i vidavočcaŭ avaryi.
Pravaachoŭniki prosiać udzielnikaŭ darožnaha ruchu być uvažlivymi, asabliva padčas daždžu i ŭ ciomny čas sutak. Piešachodam varta pamiatać pra flikiery, a kiroŭcam być vielmi zasiarodžanymi padčas sustrečnych raźjezdaŭ.
