Supracoŭniki milicyi vyśviatlajuć, jak 9-hadovy chłopčyk apynuŭsia ŭ Śvisłačy — dzicia ŭ minułyja vychodnyja vyciahnuli z vady śviedki. Padrabiaznaści paviedamlaje pres-słužba HUUS Minharvykankama.
Pravaachoŭniki ŭstanavili, što ŭ momant zdareńnia chłopčyk byŭ nie adzin, a sa svaim adnakłaśnikam. Pa słovach druhoha dziciaci, jaho siabar paśliznuŭsia na nabiarežnaj i ŭpaŭ u vadu.
Adnakłaśnik i jašče adna žančyna, jakaja stała vidavočcam, pačali klikać na dapamohu — chłopčyka vyratavaŭ padletak, što prachodziŭ mima.
Pa dadzienym fakcie zaraz pravodzicca pravierka. Śviedak apytali, pa miescy žycharstva baćkoŭ dziciaci pabyvali milicyjanty.
— Siamja niepaŭnaletniaha staić na kantroli va ŭstanovie adukacyi pa miescy jaho navučańnia, — udakładniła aficyjny pradstaŭnik Centralnaha RUUS Taćciana Aboznaja.
Paciarpiełaje dzicia było dastaŭlena ŭ 2-ju haradskuju dziciačuju kliničnuju balnicu. Pa dadzienych na 29 kastryčnika, jaho stan aceńvajecca jak stabilna ciažki: padklučany da aparata štučnaj vientylacyi lohkich, znachodzicca ŭ stanie miedykamientoznaha snu.