Na rejsach «Biełavija» pavialičyli normu pravozu biaspłatnaha bahažu. Novyja praviły zapracavali 29 kastryčnika, piša Tut.by.
Źmieny zakranuli toj bahaž, jaki pasažyry zdajuć u bahažnaje addzialeńnie pry rehistracyi na rejs, pra heta avijakampanija paviedamlała jašče ŭ žniŭni.
Ciapier pasažyr maje prava biaspłatna zdać adnu sumku nie bolš za 23 kiłahramy ŭ ekanom-kłasie (raniej było 20) i dźvie vahoj nie bolš za 32 kiłahramy ŭ biznes-kłasie (raniej 30).
Za druhoje miesca bahažu ŭ ekanom-kłasie ci za pieravažku daviadziecca zapłacić 50 jeŭra.
U «Biełavija» tłumačać: kali ŭ pasažyra ekanom-kłasa dźvie sumki pa dziesiać kiłahramaŭ, jamu treba albo spakavać rečy ŭ adnu sumku, albo zapłacić za druhoje miesca bahažu 50 jeŭra. Kali čamadan pasažyra ekanom-kłasa budzie važyć ad 24 da 32 kiłahramaŭ, to jon taksama pavinien budzie zapłacić 50 jeŭra za lišak.
— Novy paradak pravozu bahažu dazvolić kłijentu avijakampanii zekanomić u vypadku pieravažki ci nieabchodnaści pravozu druhoj valizki. Naprykład, kali pasažyru nieabchodna pravieźci dadatkova da dazvolenaha bahažu jašče adnu sumku ŭ 23 kiłahramy, to heta budzie kaštavać u razy tańniej, čym pry dziejučaj vahavaj kancepcyi, kali pieravažka adnaho kiłahrama zvyšnarmatyŭnaha bahažu pa niekatorych napramkach moža dachodzić da 8 jeŭra, - adznačyŭ hiendyrektar «Biełavija» Anatol Husaraŭ.
