Taćciana Niadbaj. Archiŭnaje fota.

Taćciana Niadbaj. Archiŭnaje fota.

Paetka i mieniedžarka Taćciana Niadbaj była abranaja staršynioj Biełaruskaha PEN-Centra. Źjezd hetaj piśmieńnicka-žurnalisckaj arhanizacyi adbyŭsia 5 listapada ŭ Minsku.

Na hetaj pasadzie jana źmianiła paeta i pierakładčyka Andreja Chadanoviča.

Pieršym namieśnikam kiraŭnika arhanizacyi zastaŭsia Pavieł Ancipaŭ. 

Druhim i trecim namieśnikami staršyni abranyja paet i śpiavak Uładź Lankievič dy litaratarka j pierakładčyca Alena Kazłova.

U PEN-Centr uvachodziać kala 100 aŭtaraŭ. Jon uvachodzić u suśvietnuju sietku «Mižnarodny PEN-kłub». Siarod inšaha, nacyjanalnyja PEN-centry majuć prava vyłučać kandydataŭ na Nobieleŭskuju premiju.

Anhielskaja abrevijatura PEN utvoranaja ad pieršych litar słoŭ «Poets, Essayists, Novelists» («paety, eseisty, ramanisty»). Ciapier arhanizacyja prymaje taksama žurnalistaŭ i vydaŭcoŭ.

Siarod zasnavalnikaŭ Biełaruskaha PENa byli Vasil Bykaŭ, Ryhor Baradulin i Karłas Šerman. Jon utvaryŭsia ŭ 1989.

Čytaj taksama: Taćciana Niadbaj. Ryby čujuć tvajo maŭčańnie

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?