Sceny z udziełam akciora Kievina Spejsi vyražuć z užo źniataha filma «Usie hrošy śvietu» i pierazdymuć ź inšym akcioram, piša Bi-bi-si.
Spejsi, jaki apynuŭsia ŭ centry hučnaha seks-skandału, zamienić kanadski akcior Krystafier Płamier.
«Usie hrošy śvietu» — novy film režysiora Rydli Skota ab vykradańni ŭnuka naftavaha mahnata Džona Poła Hieci, rolu jakoha syhraŭ Spejsi.
Pavodle infarmacyi časopisa Variety, z udziełam Spejsi było źniata šmat materyjału. U bolšaści sa źniatych scen Spejsi znachodzicca ŭ kadry adzin, bieź inšych akcioraŭ, piša časopis, ale dla pierazdymak astatnich spatrebicca ŭdzieł inšych zorak filma, Marka Uołbierha i Mišel Uiljams.
Data vychadu filma na ekrany nie pieranosicca — karcina pavinna vyjści 22 śniežnia.
Krystafier Płamier, jaki zamienić Spejsi ŭ filmie, syhraŭ pieršuju rolu ŭ kino ŭ 1958 hodzie. Płamier viadomy pa hałoŭnaj roli ŭ filmie 2009 hoda «Imažynaryum doktara Parnasa», rolach u filmach «Huki muzyki», «12 małpaŭ» i «Dziaŭčyna z tatuiroŭkaj drakona».
