Papa Rymski Francysk daručyŭ ŭvieści zabaronu na prodaž cyharet u Vatykanie z pačatkam 2018 hoda z-za kłopatu pra zdaroŭje ludziej. Prodaž cyharet prynosiła krainie prybytak u 11 młn dalaraŭ u hod, paviedamlaje Associated Press.
Kadr z mastackaha filmu «Małady Papa».
Cyharety ŭ Vatykanie pradajucca dla słužačych i piensijanieraŭ u kramach biaspošlinnaha handlu pa nizkich koštach, u vyniku cana za pačak tut značna nižejšaja, čym va ŭsich inšych rehijonach Italii. Supracoŭnikam ustanovaŭ Vatykana dazvalajuć kuplać pa piać karobak u miesiac. Mnohija italjancy prosiać svaich siabroŭ, jakija pracujuć u hetaj krainie, nabyvać dla ich cyharety.
Vatykan pryznaje, što prodaž cyharet stałasia krynicaj dachodu dla krainy. Adnak usio ž vyrašyŭ ad jaho admovicca. «Śviaty prastoł nie moža spryjać dziejnaści, jakaja vidavočna škodzić zdaroŭju ludziej», — skazana ŭ zajavie ŭładaŭ Vatykana.
U paviedamleńni pryvodziacca dadzienyja Suśvietnaj arhanizacyi achovy zdaroŭja (SAAZ), zhodna ź jakimi kureńnie źjaŭlajecca pryčynaj bolš za 7 młn śmierciaŭ štohod va ŭsim śviecie.
Adnak pry hetym Vatykan nie płanuje spyniać prodaž cyharaŭ.