Pahadnieńnie ab budaŭnictvie BiełAES praduhledžvaje mahčymaść adpraŭki adpracavanaha jadziernaha paliva (AJAP) u Rasiju — zajaviŭ siońnia namieśnik ministra enierhietyki Biełarusi Michaił Michadziuk, paviedamlaje BIEŁTA.
Fota Dźmitryja Bruško
«U mižuradavym pahadnieńni pa ŭźviadzieńniu BiełAES, jakoje my padpisali jašče ŭ 2012 hodzie, norma ab tym, što my možam adpraŭlać adpracavanaje jadziernaje paliva na pierapracoŭku, praduhledžana», — skazaŭ Michadziuk. «Heta značyć pryncypova u nas pahadnieńnie padpisana, užo pracoŭnyja dakumienty ŭ stadyi raspracoŭki», - dadaŭ jon.
Pavodle słoŭ namieśnika ministra, u prajekcie atamnaj stancyi praduhledžanyja technałohii pa pierapracoŭcy ekspłuatacyjnych jadziernych adchodaŭ, jakija peŭny čas buduć zachoŭvacca na stancyi. Akramia taho dla hetych metaŭ budzie budavacca śpiecyjalnaje schovišča.
«Jano i siońnia jość u respublicy, tamu što ŭ nas jadziernyja adkidy nie tolki ad atamnaj stancyi - i miedycyna, i inšyja haliny narodnaj haspadarki majuć takija adkidy, i ŭ krainie arhanizavanaje ichniaje zachoŭvańnie», - rastłumačyŭ namieśnik ministra.
Biełaruskaja AES budujecca pavodle typavohau rasijskaha prajektu AES-2006 novaha pakaleńnia «3+» blizu Astraŭca (Hrodzienskaja vobłaść). Pieršy enierhabłok płanujecca ŭvieści ŭ ekspłuatacyju ŭ śniežni 2019 hoda, druhi - u 2020-m.
