samsung.com

samsung.com

Biełaruś stała piataj krainaj Jeŭropy paśla Šviecyi, Šviejcaryi, Vialikabrytanii i Rasii, dzie zapuściŭsia Samsung Pay.

Technałohijaj mohuć skarystacca ŭładalniki kartak MasterCard, jakija vypuščanyja MTBankam i Biełhazprambankam. U chutkim časie da ich dałučacca klijenty BPS-Śbierbank.

Jak karystacca?

Kab pačać karystacca servisam, treba zarehistravać svaju płaciežnuju kartku ŭ smartfonie ad Samsung, jaki padtrymlivaje hety servis (bolšaść sučasnych madelaŭ).

Taksama važna, kab smartfon byŭ «pryviazany» da rehijona Biełaruś-Rasija. Da pryładaŭ, jakija byli nabytyja za miažoj, niemahčyma budzie dałučyć biełaruskija bankaŭskija kartki.

Padčas płaciažu, vam treba padnieści hadžet da terminała. Pry hetym niavažna, padtrymlivaje terminał bieskantaktnuju apłatu ci nie.

U adzin smartfon možna zahruzić da 10 płastykavych kartak.

Instrukcyja pa naładcy Samsung Pay na vašym telefonie:

  • Kali ŭ vas niama akaŭnta Samsung — stvarycie jaho ŭ Naładach;
  • Abnavicie apieracyjnuju sistemu da apošniaj viersii ŭ Naładach;
  • Znajdzicie značak Samsung Pay i naciśnicie na jaho. Naciśnicie «Zapusk»;
  • Vykonvajcie instrukcyju, jakuju bačycie na ekranie;
  • Paśla hetaha na telefon dasyłajecca SMS z kodam, jakim patrebna paćvierdzić rehistracyju. Praź niekalki chvilin kartka budzie zarehistravanaja ŭ sistemie.
  • Čas poŭnaj rehistracyi moža zaniać da 10 chvilin.

Kali na svajoj pryładzie vy nie možacie znajści značka Samsung Pay, heta značyć, što vaš telefon nie padtrymlivaje hety servis, abo padtrymlivaje, ale madel aficyjna ŭ Biełarusi nie pradajecca.

Dla apłaty zajdzicie ŭ Samsung Pay, razbłakujcie z dapamohaj pin-koda, adbitka palca abo abałonki voka (zaležyć ad taho, jaki sposab błakiroŭki vy vybrali pry rehistracyi) i padniasicie telefon da płaciežnaha terminała.

Zrazumieła, što, kali akumulatar smartfona razradzicca, raspłacicca nie atrymajecca.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?