Na Danbasie na supraćtankavaj minie siońnia padarvaŭsia aŭtamabil palicyi. Pra heta na svajoj staroncy ŭ Facebook napisaŭ pieršy namieśnik staršyni Nacpalicyi Viačasłaŭ Abrośkin.

«U Danieckaj vobłaści ŭ rajonie pasiołka Hnutava na supraćtankavaj minie, zakładzienaj DRH bajevikoŭ, padarvaŭsia słužbovy aŭtamabil palicyi, jaki ruchaŭsia pa aŭtadarozie Tałakoŭka-Hnutava», — napisaŭ jon.

Padarvany bajevikami aŭtamabil palicyi. Fota - Facebook.com

Padarvany bajevikami aŭtamabil palicyi. Fota - Facebook.com

Abrośkin taksama paviedamiŭ, što major palicyi, 1981 h.n., zahinuŭ ad atrymanych ranieńniaŭ.

«Jašče dvoje palicejskich atrymali ranieńni i znachodziacca ŭ balnicy», — dadaŭ Abrośkin.

U toj ža čas staršynia Nacpalicyi Siarhiej Kniazieŭ paviedamiŭ, što patrul jechaŭ na vyklik i padarvaŭsia na minie.

«Jašče ŭčora hetaj miny tam nie było, tamu što našyja vajennyja svabodna pieramiaščalisia na hetym učastku. Zaraz vybuchatechniki vyjavili pobač jašče adnu zamaskiravanuju minu», — napisaŭ jon.

Клас
Панылы сорам
Ха-ха
Ого
Сумна
Абуральна