17-hadovy navučeniec z Maładziečna 25 vieraśnia skraŭ u sekand-chendzie bajku.

— Małady čałaviek pryjšoŭ u kramu pa vulicy Prytyckaha. U prymieračnuju jon uziaŭ try bajki na troch viešałkach. Adnu ź ich padčas prymierki jon nadzieŭ na siabie, a dźvie vyrašyŭ viarnuć, - raspavioŭ kraj.by staršy śledčy Maładziečanskaha rajonnaha adździeła Śledčaha kamiteta Juryj Bahuševič.

Na vychadzie z kramy pradaviec źviarnuła ŭvahu na chłopca i spytałasia ŭ jaho, dzie treciaja bajka. Maładziečaniec spačatku zrabiŭ vyhlad, što telefanuje maci, kab taja pryniesła hrošy za reč. A potym paprasiŭ u žančyny telefon i nibyta patelefanavaŭ bratu, bo mama, maŭlaŭ, nie zrazumieła, dzie jon znachodzicca.

U chodzie manipulacyj z telefonam chłopiec adciahnuŭ uvahu pradaŭca, viarnuŭ joj telefon i syšoŭ. Ale chutka chłopca znajšli, a bajku zabrali.

Jak adznačyŭ Juryj Bahuševič, pieršapačatkova bajka kaštavała 13 rubloŭ, ale ŭ dzień, kali chłopiec jaje vykraŭ, była źnižka 70%. Heta značyć małady čałaviek moh kupić jaje ŭsiaho za try rubli.

Kryminalnaja sprava pa častcy pieršaj artykuła 206 «Kradziož» pieradadziena ŭ prakuraturu dla nakiravańnia ŭ sud.

Клас
0
Панылы сорам
0
Ха-ха
0
Ого
0
Сумна
0
Абуральна
0