U Tatarstanie admianili abaviazkovaje vyvučeńnie tatarskaj movy. Takija praviły ŭtrymlivajucca ŭ navučalnym płanie, raspracavanym Ministerstvam adukacyi Rasii.

Pa słovach prakurora Tatarstana Iłdusa Nafikava, školniki ŭ respublicy buduć vyvučać movu dobraachvotna na asnovie piśmovaj zhody baćkoŭ u miežach da 2 hadzin u tydzień. Padobnyja praviły buduć dziejničać u adnosinach da dziaržaŭnych movaŭ respublik pa ŭsioj terytoryi Rasii.

Zhodna z Kanstytucyjaj Tatarstana, rasijskaja i tatarskaja movy źjaŭlajucca dziaržaŭnymi. Ich pavinny vykładać u škołach u abaviazkovym paradku i ŭ roŭnym abjomie. Fiederalnaje zakanadaŭstva kaža ab vyvučeńni tatarskaj na dobraachvotnaj asnovie. U siaredzinie listapada prezident Tatarstana Rustam Minichanaŭ zajaviŭ, što tatarskaja mova zastaniecca abaviazkovaj dla ŭsich navučencaŭ škoł respubliki, ale jaje buduć vykładać dźvie hadziny na tydzień zamiest raniejšych šaści. Pavodle jaho słoŭ, hetyja ŭmovy byli ŭzhodnienyja ź fiederalnymi ŭładami.

U kancy žniŭnia Uładzimir Pucin daručyŭ pravieryć, jak vykonvajecca ŭ rehijonach prava rasijanaŭ na dobraachvotnaje vyvučeńnie rehijanalnych i nacyjanalnych movaŭ i prachodžańnie prahram pa ruskaj movie ŭ naležnym abjomie. Prakuratura pastanaviła, što vykładać nacyjanalnyja movy ŭ respublikach možna tolki pa žadańni.

Raniej baćki ruskamoŭnych dziaciej skardzilisia, što tatarskuju movu vykładajuć u bolšych abjomach, čym ruskuju. Adna z maci padała ŭ sud na kiraŭnictva Tatarstana i zapatrabavała hrašovuju kampiensacyju.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?