Uradam pryniata rašeńnie pra pieranos pracoŭnych dzion u 2018 hodzie, paviedamlaje pres-słužba viedamstva.

Pracoŭnyja dni ŭ 2018 hodzie pieranosiacca: z aŭtorka 2 studzienia na subotu 20 studzienia

Heta značyć, što na Novy hod my budziem adpačyvać cełyja čatyry dni — z 30 śniežnia pa 2 studzienia (subota — aŭtorak)

Nahadajem, što try vychodnyja my budziem adpačyvać z 23 pa 25 śniežnia 2017 hoda, kali adznačajecca Rastvo pavodle hryharyjanskaha i novajulijanskaha kalendaroŭ. Pravasłaŭnaje Rastvo ŭ Biełarusi prychodzicca hetym razam na niadzielu (7 studzienia).

Taksama pracoŭny dzień pieranosicca ź piatnicy 9 sakavika na subotu 3 sakavika (adpačyvać budziem z 8 pa 11 sakavika, čatyry dni);

z paniadziełka 16 krasavika (17 krasavika — Radaŭnica) na subotu 14 krasavika, tut budzie ŭsiaho try vychodnyja — z 15 pa 17 krasavika,

pracoŭny dzień z paniadziełka 30 krasavika pieranosicca na subotu 28 krasavika (vychodnyja 29 krasavika — 1 maja). 9 maja ŭ 2018 hodzie budzie ŭ sieradu.

Praduhledžany taksama pieranos rabočych dzion z paniadziełka 2 lipienia (śviaty buduć z 30 červienia pa 3 lipienia, čatyry dni) na subotu 7 lipienia;

z paniadziełka 24 śniežnia na subotu 22 śniežnia (try vychodnyja); z paniadziełka 31 śniežnia na subotu 29 śniežnia.

Arhanizacyjam dajecca prava z ulikam śpiecyfiki vytvorčaści (raboty) pieranosić pracoŭnyja dni ŭ inšym paradku ŭ adpaviednaści z zakanadaŭstvam.

Клас
0
Панылы сорам
0
Ха-ха
0
Ого
0
Сумна
0
Абуральна
0