Kali skarystacca paralellu z adnaho viadomaha aniekdota, to siaredniaja finansavaja tempieratura pa ahulnajeŭrapiejskim špitali sioleta skłała 13 937 jeŭraŭ. Stolki hrošaj u hod zastaniecca sioleta ŭ kišeni siaredniestatystyčnaha žychara našaha kantynientu paśla adličeńnia ŭsich padatkaŭ i zboraŭ, paviedamlaje gfk.

Infahrafika — gfk

Infahrafika — gfk

Ale siarednija ličby — dalokija ad realnaha raskładu: u Jeŭropie znajšłosia 17 krain, dzie ludzi zarablajuć u pieraliku na kupčuju zdolnaść bolej za hetuju siaredniuju — i 25, dzie zarablajuć mieniej.

Uznačalvaje jeŭrapiejski top-3 maleńki Lichtenštejn. Jahonyja 38 tysiač žycharoŭ u siarednim zarablajuć pa 63 200 jeŭraŭ. Na druhim miescy — Šviejcaryja — 42 142 jeŭra. Na trecim — trochsottysiačnaja Isłandyja — 33 399 jeŭraŭ.

Z našych susiedziaŭ da siaredniejeŭrapiejskaj nabližajucca tolki žychary staličnych rehijonaŭ Polščy, Litvy i Łatvii. A voś tryma najbiadniejšymi krainami Jeŭropy tradycyjna stali Biełaruś, Małdova i Ukraina.

Najlepiej za ŭsio ŭnutrykantynientalny razryŭ u dachodach ilustruje roźnica pamiž pieršaj i apošniaj krainaju rejtynhu: žychar Ukrainy zarablaje u hod adnu šeśćdziesiat šostuju taho, što zarablaje žychar Lichtenštejnu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?