27 i 28 studzienia 2018 hoda na scenie Kupałaŭskaha adbudziecca premjera śpiektakla «Revizor» pavodle pjesy Mikałaja Hohala.
Režysior-pastanoŭščyk — mastacki kiraŭnik teatra Mikałaj Pinihin. Scenahrafija i kaściumy — litoŭca Maryjusa Jacoŭskisa, jaki raniej staviŭ ŭ Kupałaŭskim «Čajku», muzyka Andreja Zubryča. Siužet usim dobra viadomy, nie raz pjesa staviłasia ŭ roznych teatrach roznymi režysiorami,ale admysłova dla hetaj pastanoŭki stvaraŭsia novy pierakład, jaki nikoha nie pakinie abyjakavym, paviedamlaje sajt teatra.
U śpiektakli zaniaty zorny skład: Viktar Manajeŭ, Vital Makarevič, Zoja Biełachvościk, Juljana Michnievič, Dzijana Kaminskaja, Kaciaryna Alejnikava, Raman Padalaka, Alaksandr Paŭłaŭ, Ihar Dzianisaŭ, Ihar Sihoŭ, Alaksandr Zielanko, Dźmitryj Jesianievič, Michaił Zuj, Ivan Kušniaruk, Ihar Piatroŭ, Siarhiej Čub, Mikałaj Rabyčyn, Andrej Drobyš, Alaksandr Kazieła, Pavieł Charłančuk-Južakoŭ dy inš.
Kvitki ŭžo ŭ prodažy. Cana ad 6 da 30 rubloŭ
