U rasijskim horadzie Uść-Kut Irkuckaj vobłaści vybuchnuŭ haz u šmatkvaternym piacipaviarchovym domie. Abrynulisia pierakryćci pamiž pieršym i druhim paviercham na płoščy kala 80 kvadratnych mietraŭ. Zahinuŭ adzin, a paranienyja 5 čałaviek, paviedamlaje Sever138.ru.

Paciarpieły padjezd doma. Fota: «Naš Sievier»

Paciarpieły padjezd doma. Fota: «Naš Sievier»

Jak paviedamili paźniej słužby MNS, dom nie byŭ hazifikavany, ale ŭ kvatery na pieršym paviersie ratavalniki vyjavili hazavy bałon i ciepłavuju harmatu, jakaja prymianiałasia dla abahrevu pamiaškańnia padčas ramontnych prac.

Zahinuŭ žychar kvatery z druhoha paviercha. Pad zavałami moža znachodzicca jašče jak minimum adzin čałaviek. Dom, u jakim adbyŭsia vybuch, evakujavany całkam da času, pakul nie budzie jasna, nakolki paškodžanyja kanstrukcyi pierakryćciaŭ vyšejšych pavierchaŭ.

Prykładna miesiac tamu praz vybuch hazu abrynuŭsia ceły padjezd dzieviacipaviarchoŭki ŭ rasijskim Ižeŭsku. Śledstva śćviardžaje, što jaho ŭčyniŭ psichična nieŭraŭnavažany čałaviek, kab adpomścić svajoj maci.

Fota: «Naš Sievier».

Fota: «Naš Sievier».

Клас
0
Панылы сорам
0
Ха-ха
0
Ого
0
Сумна
0
Абуральна
0