Siaredniestatystyčnaja biełaruskaja siamja zarablaje za miesiac 1026,7 rubla, paviedamlaje TUT.BY sa spasyłkaj na Biełstat.
Ličby zasnavanyja na vybaračnym abśledavańni chatnich haspadarak pa padstavie ŭzroŭniu žyćcia ŭ 3-m kvartale.
Amal usie hetyja hrošy biełarusy traciać.
Tak, pavodle statystyki, hrašovyja vydatki ŭ pieraliku na adnu siamju skłali 965,2 rubla na miesiac. Značnaja častka hetaj sumy — spažyvieckija vydatki: pradukty, kupla niejkich tavaraŭ i apłata pasłuh. Usiaho na spažyvieckija vydatki idzie amal 740 rubloŭ.
Astatnija hrošy (prykładna 227 rubloŭ) iduć na nazapašvańnie, kuplu nieruchomaści abo valuty, a taksama padatki i finansavyja ŭnioski.
FINANCE.TUT.BY pahladzieŭ, jak tracić hrošy «siamja sa statystyki», nu a vy možacie paraŭnać hetyja ličby sa svaimi siemjami.
| Spažyvieckija vydatki biełaruskich siemjaŭ u 3-m kvartale 2017 hoda | ||
| Vydatki na: | Suma ŭ rublach | Dola ŭ % |
| charčavańnie | 296,1 | 40,1 |
| ałkahol, tytuń | 21,4 | 2,9 |
| vopratku, abutak | 59,8 | 8,1 |
| rečy asabistaha karystańnia | 17,7 | 2,4 |
| rečy chatniaha ŭžytku, bytavaja technika | 33,2 | 4,5 |
| ŽKP | 43,6 | 5,9 |
| miedycynu i azdaraŭleńnie | 8,9 | 1,2 |
| adukacyju | 11,8 | 1,6 |
| kulturu, sport, ekskursii i h.d. | 19,2 | 2,6 |
| hramadski transpart | 18,5 | 2,5 |
| suviaź | 36,2 | 4,9 |
Jak bačym, tradycyjna bolš za ŭsio hrošaj idzie na pradukty — amal 300 rubloŭ. Amal 44 rubli ŭ 3-m kvartale siaredniaja siamja addavała na apłatu žyroŭki.
Što cikava, amal takaja ž suma — apłata pasłuh suviazi. Pa sutnaści, mabilniki i internet u biełarusaŭ — heta amal jak druhaja žyroŭka.
Zatoje na transpart idzie ŭ 2 razy mienš. Darečy, u paraŭnańni z 3-m kvartałam minułaha hoda dola raschodaŭ siaredniestatystyčnaj siamji na kamunałku źniziłasia (była 6,1%), a na suviaź — pavialičyłasia (było 4,7%).
