Staličnyja apieratyŭniki pry padtrymcy «Ałmaza» zatrymali 35-hadovaha sieryjnaha rabaŭnika, jaki napadaŭ na žančyn zzadu, źbivaŭ z noh i zabiraŭ torby. Pra heta piša HUUS Minharvykankama.
Paviedamlajecca, što 35-hadovy minčuk z kanca listapada ažyćciaviŭ niekalki rabavańniaŭ na terytoryi Centralnaha i Frunzienskaha rajonaŭ. Jaho zatrymali na miescy złačynstva, kali jon na vulicy Hlebki napaŭ na maładoha chłopca i zabraŭ mabilnik.
Ustanoŭlena, što rabavańni zatrymany ździajśniaŭ u ciomny čas (poźni viečar, ranica). Napadaŭ na žančyn zzadu, źbivaŭ ich z noh ci nanosiŭ udary i zabiraŭ torby.
U dačynieńni da zatrymanaha zaviedziena kryminalnaja sprava pa častcy 2 art. 206 (Rabavańnie) KK RB. Raniej mužčynu dvojčy sudzili za razboj, a ŭ lutym hetaha hoda vyzvaliŭsia ź miescaŭ pazbaŭleńnia voli.
Supracoŭniki milicyi vyśviatlajuć jaho dačynieńnie da ździajśnieńnia takich ža złačynstvaŭ na terytoryi inšych rajonaŭ stalicy.
