U aŭtorak kurs bitkojna pieravysiŭ adznaku $12000. Ciaham tarhoŭ kurs padymaŭsia da $12032, paviedamlaje Interfaks. Ahulnaja kapitalizacyja rynku bitkojnaŭ pierasiahnuła $200 młrd, ale zatym źniziłasia da $199 młrd, śviedčać dadzienyja Coinmarketcap.com.
Rańnim viečaram aŭtorka pa minskim časie kurs bitkojna składaŭ $11983, što na 4,8% vyšej za ŭzrovień papiaredniaj siesii.
U pačatku minułaha tydnia kurs kryptavaluty ŭpieršyniu ŭźniaŭsia vyšej za $10000 i praciahnuŭ raści, u tym liku na navinach pra zapłanavany zapusk fjučersaŭ na bitkojny viadomymi syravinnymi apieratarami.
Tak, CBOE Global Markets Inc. paviedamiŭ, što pačnie handal fjučersami na bitkojn a 02:00 pa minskim časie ŭ najbližejšy paniadziełak, 11 śniežnia.
U minułuju piatnicu Kamisija pa terminovym fjučersnym handli syravinnymi tavarami (CFTC) dała CBOE i CME dazvoł na zapusk fjučersaŭ na bitkojn. Jak adznačałasia ŭ paviedamleńni CFTC, fjučersnyja biržy, jak čakajecca, buduć adsočvać handlovuju aktyŭnaść na rynku kryptavalut, aceńvajučy mahčymaść rynkavych manipulacyj i zruchaŭ, źviazanych z chutkimi ŭźlotami i padzieńniami kursaŭ, a taksama ź pierabojami ŭ tarhach.
