Ministr transpartu Biełarusi Anatol Sivak dy ministr infrastruktury Ukrainy Uładzimir Jemialjan padpisali darožnuju mapu pa adnaŭleńni vodnaha šlachu Je-40, paviedamlaje Radyjo Svaboda.
«Adnym z pryjarytetnych napramkaŭ raźvićcia dačynieńniaŭ pamiž Ukrainaj i Biełaruśsiu jość zabieśpiačeńnie ŭmoŭ dla ažyćciaŭleńnia tranzitnych pieravozak hruzaŭ vodnym transpartam pa terytoryi Ukrainy, u tym liku, z vykarystańniem sudoŭ kłasa «raka-mora», — adznačyŭ Uładzimir Jemialjan.
Pavodle jaho, da realizacyi prajekta buduć dałučanyja mižnarodnyja finansavyja arhanizacyi i donary. Zhodna z dakumientam, dla poŭnavartasnaha adnaŭleńnia sudnachodnaha šlachu Je40 «Bałtyjskaje mora — Hdańsk — Dniapro — Čornaje mora» płanujuć pahłybić dno na pierakatach Dniaproŭskaha i Dniepradziaržynskaha vadaschoviščaŭ i pavialičyć habaryty vodnaha šlachu na ŭčastku Kijeŭskaja HES — Nižnija Žary (Brahinski rajon Homielskaj vobłaści).
Letaś Polšča i Biełaruś padpisali miemarandum pra adnaŭleńnie vodnaha šlachu Je40. Ministerstva transpartu i kamunikacyjaŭ Biełarusi razam z polskim bokam abmiarkoŭvali prajekt, kab vyprastać rečyšča Prypiaci i pabudavać na race prynamsi siem šluzaŭ.
Na hetyja inicyjatyvy ekałahičnyja i hramadskija arhanizacyi adkazali kampanijaj #STOP_E40. Pad adpaviednym miemarandumam suprać adnaŭleńnia Je40 padpisalisia kala 20 niedziaržaŭnych arhanizacyj Biełarusi, Polščy i Ukrainy.
