U Kramli majuć namier «surjozna praanalizavać» rašeńnie Mižnarodnaha alimpijskaha kamiteta (MAK) ab dyskvalifikacyi Alimpijskaha kamiteta Rasii i niadopusk na Alimpijadu ŭ Pchiončchan spartsmienaŭ pad rasijskim ściaham pierš, čym vynosić jakija-niebudź mierkavańni, zajaviŭ žurnalistam pres-sakratar prezidenta Dźmitryj Piaskoŭ.

«Ciapier, viadoma, treba vyklučyć emocyi. U lubym vypadku nam treba budzie adkazać jašče na šerah pytańniaŭ, dla hetaha spatrebiacca kantakty z MAK, treba vyznačyć, chto i jak budzie vieści hetyja kantakty. Šerah technałahičnych pytańniaŭ padlahaje vyśviatleńniu», - skazaŭ Piaskoŭ.

Pavodle jaho słoŭ, zaklučeńni nie varta rabić da taho času, pakul nie adbudziecca «alimpijski schod (12 śniežnia), da taho jak našy spartoŭcy nie prymuć niejkaje rašeńnie».

Piaskoŭ paćvierdziŭ toje, što prezident Rasii Uładzimir Pucin maje namier pryniać udzieł u mierapryjemstvach Usierasijskaha forumu dobraachvotnikaŭ u staličnym Pałacy sportu «Miehasport», adnak nie infarmacyju pra toje, što kiraŭnik dziaržavy zajavić tam pra reakcyju Rasiei na dziejańni MAK.

«Pucin budzie publična vystupać, ale siońnia inšaja tema, ja nie viedaju, ci paličyć prezident patrebnym niešta kazać. Ale pakul, paŭtaraju, jašče šmat pytańniaŭ», — skazaŭ Piaskoŭ.

***

Na telehram-kanał «Našaj Nivy» možna padpisacca tut.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?