Fota — Anton Matolka
Druhoje pasiadžeńnie pa spravie Źmitra Kramianieckaha prajšło 6 śniežnia. Supracoŭniki KDB jaho praihnaravali, paviedamlaje Radyjo Svaboda.
Pazoŭ Kramianiecki padaŭ jašče ŭ žniŭni, pakul heta adziny fihurant «spravy Biełaha lehijona», jaki sprabuje atrymać kampiensacyju ad dziaržavy.
Dla taho, kab raźličvać na kampiensacyju, Kramianieckamu nieabchodna mieć pastanovu orhana, jaki pryniaŭ rašeńnie ab spynieńni kryminalnaj spravy. Pieršapačatkova heta pavinien byŭ być dakumient sa Śledčaha kamiteta, adnak tam paličyli, što Kramianiecki pavinien pradstavić dakumient z Kamiteta dziaržaŭnaj biaśpieki. KDB u svaju čarhu na zapyty advakata Kramianieckaha i suda nie adkazvaje. U vyniku razhlad spravy prypynieny, sud vyrašyŭ vyklikać na pasiadžeńnie pradstaŭnika Kamiteta dziaržbiaśpieki.
«Ja chaču kampiensacyi maralnaj škody, — raskazvaje ŭ razmovie sa Svabodaj sam Źmicier Kramianiecki. — My parailisia ź jurystami, z advakatam i vyrašyli, što kampiensacyja pavinna być takoj. 10 tysiač biełaruskich rubloŭ. U mianie była pastanova ab spynieńni spravy sa Śledčaha kamiteta. Adnak paźniej tam skazali, što pamylilisia i ja pavinien atrymać takuju papieru z KDB. KDB maŭčyć».
Aktyvist «Maładoha Frontu» Źmicier Kramianiecki byŭ zatrymany 23 sakavika i pravioŭ za kratami ŭ SIZA na vulicy Vaładarskaha 9,5 sutak. Pa «spravie Biełaha lehijona» jon znachodziŭsia ŭ statusie padazravanaha, abvinavačvańni Kramianieckamu pradjaŭlenyja nie byli. Spravu razhladaje sud Maskoŭskaha rajonu Miensku, data nastupnaha pasiedžańnia pakul nieviadomaja.
