Film raspaviadaje realnuju historyju podźvihu nahladčykaŭ Varšaŭskaha zaaparka Jana i Antaniny Žabinskich, jakija dali prytułak i zachavali žyćcio bolš jak 300 habrejam padčas Druhoj suśvietnaj vajny.
Štodzionny podźvih hałoŭnych hierojaŭ, trahizm losu achviaraŭ vajny, złačynstvy nacystaŭ — usio heta z majsterstvam pierapleciena ŭ filmie 2017 hoda režysiora Niki Karo. U hałoŭnych rolach: naminant na premiju «Oskar» Džesika Čestejn (zorka filmaŭ «Interstełłar» i «Marsianin») i Daniel Brul («Kapitan Amieryka», «Hudbaj, Lenin», «Biassłaŭnyja vyradki»).
Na biełaruskuju movu film ahučany ŭ miežach prajekta «Biełaruskija ŭikendy» pry padtrymcy kampanii velcom i Polskaha Instytuta ŭ Minsku.
Roli ahučvali: aktrysy Hanna Chitryk i Śviatłana Cimochina, televiadučyja Jaŭhien Pierlin i Siarhiej Žbankoŭ, akciory Aleś Małčanaŭ i Źmicier Saładucha.
Premjera filma ŭ biełaruskaj ahučcy ŭ Minsku adbudziecca 7 śniežnia ŭ kinateatry velcom cinema (HC Dana Moll, vuł. Piatra Mścisłaŭca, 11). A 8, 9 i 10 śniežnia pakazy projduć u kinateatry «Maskva» (pr. Pieramožcaŭ, 13).
Pakaz filma taksama płanujecca ŭ Bieraści 13 śniežnia ŭ kinateatry «Biełaruś» (vuł.Savieckaja, 62).
Padrabiaznaści na kinakong.by/zoo.
Dadatkovaja infarmacyja: +375 29 5543459 (Andrej).
