3—4 lutaha Jeŭrapiejski humanitarny ŭniviersitet (EHU) zaprašaje staršakłaśnikaŭ biełaruskich škoł, himnazij i licejaŭ na zimovyja Dni adkrytych dźviarej u Vilni. Dla baćkoŭ abituryjentaŭ EHU zładzić admysłovy Baćkoŭski viečar u novym navučalnym korpusie EHU ŭ Starym horadzie Vilni.
Tradycyjna ŭ miežach Dzion adkrytych dźviarej abituryjenty EHU atrymajuć mahčymaść aznajomicca z adukacyjnymi prahramami i vykładčykami EHU, zadać pytańni pra praces pastupleńnia, stypiendyi i prahramy abmienu, a taksama zdać ustupnyja ispyty, vyniki jakich mahčyma vykarystoŭvać dla pastupleńnia ŭ 2018 hodzie. U hetym navučalnym hodzie Dni adkrytych dźviarej projduć u śviatočnaj atmaśfiery. Mierapryjemstva adbudziecca ŭ novym navučalnym korpusie EHU — byłym budynku Aŭhustynskaha klaštara ŭ Starym horadzie Vilni, jaki ŭ svaju čarhu ŭklučany ŭ śpis abjektaŭ Suśvietnaj spadčyny JUNIESKA.
Važna! EHU pradastaŭlaje biespłatnuju vizu dla naviedvańnia Dzion adkrytych dźviarej dla navučencaŭ biełaruskich škoł, himnazij, licejaŭ i kaledžaŭ (pry najaŭnaści daviedki), a taksama słuchačam kursaŭ Prapilei pry rehistracyi da 10 śniežnia (uklučna). Rehistracyja na ŭdzieł u Dniach adkrytych dźviarej adbyvajecca pa spasyłcy.
Prahrama Dzion adkrytych dźviarej
3 lutaha (subota) projdzie vystava adukacyjnych prahram EHU, profilnyja sustrečy abituryjentaŭ z pradstaŭnikami adukacyjnych prahram i administracyjaj ŭniviersiteta, a taksama ispyt pa zamiežnaj movie.
4 lutaha (niadziela) udzielniki Dzion adkrytych dźviarej zdajuć ustupnyja ispyty pa ese i kampazicyi. Adznaki pa ispytach abituryjenty mohuć vykarystoŭvać padčas pastupleńnia ŭ EHU u 2018 hodzie.
Baćkoŭski viečar
3 lutaha ŭ novym navučalnym korpusie EHU taksama adbudziecca Baćkoŭski viečar. Baćki abituryjentaŭ EHU sustrenucca z administracyjaj, zadaduć svaje pytańni pra navučańnie ŭ EHU i žyćcio ŭ Vilni, a taksama paznajomiacca sa studenckim žyćciom i baćkami ciapierašnich studentaŭ. Uviečary haściej univiersiteta čakaje admysłovaja zabaŭlalnaja prahrama, jakuju padrychtujuć supracoŭniki i studenty ŭniviersiteta.
Važna! Zajaŭki na ŭdzieł u mierapryjemstvie prymajucca da 10 śniežnia (pry žadańni atrymać biespłatnuju vizu) ci da 26 studzienia (kali viza niepatrebna). Zajaŭku možna zapoŭnić pa spasyłcy. Vydatki na pražyvańnie ŭ Vilni i transpart udzielniki mierapryjemstvaŭ pakryvajuć samastojna. Pa ŭsich pytańniach źviartajciesia pa eł. pošcie: recruitment@ehu.lt, telefonie: +370 5 263 9650 ci ŭ Skype: QuestionEHU.
Mierapryjemstvy adbuducca ŭ novym navučalnym korpusie EHU pa adrasie: Vilnia, vuł. Savičaŭs, 17.
HA «Jeŭrapiejski humanitarny ŭniviersitet»
Kod ustanovy: 300548028
