Viadomy biełaruski komik, šoŭmien Vadzim Hałyhin na svajoj staroncy ŭ instahramie vykazaŭsia adnosna zabarony rasijskim spartśmienam udzielničać u nastupnaj zimovaj Alimpijadzie pad rasijskim ściaham.
«Darahija siabry, ciapier idzie burnaje abmierkavańnia niadopusku rasijskaj zbornaj na Alimpijadu. Ja na poŭnym surjozie chaču prapanavać. Pa-pieršaje, samuju vialikuju karumpavanuju arhanizacyju WADA bajkatavać na miždziaržaŭnym uzroŭni. Niezrazumieła, kim jana finansujecca… Dakładniej, viadoma, kim jana finansujecca i kim kantralujecca.
Pa-druhoje, sočynski alimpijski park vykarystoŭvać jak placoŭku dla ŭsich Alimpijad, dla ŭsich krain śvietu. Kab nichto nie traciŭ tryljardy, a zapłacić usiaho miljonaŭ dziesiać, kab raźmiaščali svaju infrastrukturu, pryvozili ściahi i byli haspadyniaj Alimpijad. Krainy zamańvać na alternatyŭnuju Alimpijadu šlacham źnižak na haz, padarunkaŭ z nafty, treba niešta rabić.
U mianie choć niejkaja prapanova. Tak adabjem hrošy, ukinutyja na budaŭnictva alimpijskaha parka i zrobim svaju Alimpijadu», — skazaŭ Hałyhin.
Ciapier Vadzim Hałyhin zbolšaha žyvie i zarablaje ŭ Rasii.
***
Na telehram-kanał «Našaj Nivy» možna padpisacca tut.
