Uładzimir Pucin maje namier udzielničać u prezidenckich vybarach u sakaviku 2018 hoda. Pra heta jon zajaviŭ u sieradu, 6 śniežnia, na sustrečy z rabočymi aŭtamabilnaha zavoda HAZ ŭ Nižnim Noŭharadzie, paviedamlaje Deutsche Welle.
«Ja budu vyłučać svaju kandydaturu na pasadu prezidenta Rasijskaj Fiederacyi», — skazaŭ Pucin na mitynhu-kancercie, pryśviečanym 85-hoddziu Horkaŭskaha aŭtamabilnaha zavoda. Pavodle jaho słoŭ, «lepšaha miesca i lepšaj padstavy dla abjaŭleńnia ab hetym, napeŭna, niama».
Termin prezidenckich paŭnamoctvaŭ Pucina skončvajecca 7 maja 2018 hoda. U 2018 hodzie Pucin moža ŭ čacviorty raz stać prezidentam Rasii. Pucin kiruje ŭ Rasii z 2000 hoda pa ciapierašni čas ź pierapynkam u 2008—2012 hadach, kali pasadu kiraŭnika dziaržavy zajmaŭ Dźmitryj Miadźviedzieŭ. Novy prezidencki termin praciahniecca z 2018 pa 2024 hod.
Hetaja navina vyklikała nieadkładny vodhuk karykaturystaŭ. Jołkin prakamientavaŭ namier Uładzimira Pucina bałatavacca na čacviorty termin nastupnym čynam:
