Pieršym łaŭreatam premii imia Natalli Arsieńnievaj staŭ Uładzimir Niaklajeŭ — za knihu «Tolki vieršy», paviedamlaje fejsbuk-staronka premii. Uručeńnie adbyłosia siońnia ŭviečary ŭ minskim Pres-kłubie.
U karotki śpis premii za najlepšuju paetyčnuju knihu minułaha hodu ŭvachodzili:
Viktar Žybul. «Dziacieł i dupło», Hanna Komar «Strach vyšyni», Nasta Kudasava «Majo nievymaŭla», Uładzimir Niaklajeŭ «Tolki vieršy», Siarhiej Pryłucki «Patryjatyzm dla čajnikaŭ», Michaś Skobła «Kamizelka dla miesiaca», Andrej Chadanovič «Ciahnik Čykaha-Tokijo», Julija Cimafiejeva «Cyrk»
Suzasnavalnikami premii źjaŭlajucca Sajuz biełaruskich piśmieńnikaŭ, Biełaruski PEN-centr i Zhurtavańnie biełarusaŭ śvietu «Baćkaŭščyna».
Litaraturnaja premija imia Natalli Arsieńnievaj zasnavanaja pry spryjańni Fonda kultury i adukacyi Orsa-Ramana i Charytatyŭnaha fonda Zhurtavańnia biełarusaŭ Vialikaj Brytanii. Sioleta premija ŭručałasia ŭpieršyniu, ale płanujecca, što stanie štohadovaj.
