U Biełarusi raspracavali ziefir dla chvorych na cukrovy dyjabiet, paviedamiła staršy navukovy supracoŭnik addzieła technałohij kandytarskaj i alejna-tłuščavaj pradukcyi NPC NAN Biełarusi pa charčavańni Śviatłana Tamaševič.
«My raspracavali śpiecyjalny ziefir biez cukru, jaki mohuć ŭžyvać u ježu jak chvoryja na cukroŭku, tak i zdarovyja ludzi, jakija imknucca da zbałansavanaha charčavańnia. Naša raspracoŭka ŭžo ŭkaranionaja ŭ charčovaj pramysłovaści», — skazała Śviatłana Tamaševič.
Ziefir vyrableny na asnovie maltyta. Hety padsaładžalnik maje nizki hlikiemičny indeks i panižanuju kałaryjnaść. Taksama ziefir uzbahačany olihafruktozaj, jakaja spryjaie źnižeńniu ŭzroŭniu hlukozy ŭ kryvi, što taksama važna dla charčavańnia chvorych na cukroŭku.
