Žychar Minska pamior ad nastupstvaŭ pažaru ŭ kvatery. Najchutčej, zaharełasia pralnaja mašyna, paviedamlaje pres-słužba Minskaha haradskoha ŭpraŭleńnia MNS.
Pažar adbyŭsia 19 śniežnia: u 11.43 ad žycharoŭ padjezda pastupiła paviedamleńnie ab padpalenaj kvatery pa praśpiekcie Rakasoŭskaha, 103. Pažarnyja-vyratavalniki na miescy vyjavili, što na trecim paviersie dzieviacipaviarchovaha žyłoha doma ŭ vannym pakoi trochpakajovaj kvatery adbyłosia ŭzharańnie majomaści i pralnaj mašyny «Indezit» 2007 hoda vypusku.
Fota z sajta mchs.gov.by
Rabotniki MNS vynieśli z vannaha pakoja mužčynu 1958 hoda naradžeńnia. Z apiokami cieła 1—4-j stupieni (95% cieła) i atručvańniem praduktami hareńnia paciarpiełaha špitalizavali ŭ balnicu. Vyratavać mužčynu nie ŭdałosia — ranicaj 20 śniežnia jon pamior ad atrymanych traŭmaŭ. U jakaści najbolš imaviernaj pryčyny ŭzharańnia pralnaj mašyny nazyvajecca karotkaje zamykańnie.
