Mielburnskaja palicyja raspaviała pra zatrymanaha kiroŭcu biełaha ŭsiedarožnika Suzuki, jaki siońnia ździejśniŭ najezd na natoŭp piešachodaŭ, paviedamlaje Sky News. Im akazaŭsia 32-hadovy aŭstralijec afhanskaha pachodžańnia. Raniej jon užo byŭ viadomy palicyi, mieŭ prablemy z narkotykami i rehularna naviedvaŭ psichijatra.
Momant zatrymańnia kiroŭcy palicyjaj
Pradstaŭniki palicyi taksama dadali, što na miescy zdareńnia byŭ zatrymany druhi padazravany, jaki zdymaŭ usio na mabilny telefon z momantu pačatku najezdu. U jaho znajšli torbu z tryma nažami. Adnak palicyja adznačyła, što pakul suviaź pamiž hetymi mužčynami nie ŭstanoŭlenaja.
U čaćvier a 16.30 miascovaha času bieły ŭsiedarožnik na vialikaj chutkaści ŭjechaŭ u natoŭp na adnoj z centralnych vulic Mielburna. Pavodle śviedčańniaŭ vidavočcaŭ, aŭtamabil ruchaŭsia praz natoŭp kala 15 siekund, a ludzi raźlatalisia paśla ŭdaraŭ. U vyniku 19 čałaviek paciarpieli, 14 ź ich špitalizavanyja, 4, u tym liku małaletniaje dzicia, u ciažkim stanie.
Vid źvierchu na miesca zdareńnia paśla spynieńnia mašyny
Zaviedzienaja kryminalnaja sprava pavodle artykułu «Sproba naŭmysnaha zabojstva».
