Raspačynajecca treci siezon Premii Ciotki, jakaja prysudžajecca za najlepšuju knihu dla dziaciej i padletkaŭ. Na konkurs prymajucca knihi 2017 hoda, napisanyja na biełaruskaj movie.
Premija Ciotki ŭručajecca ŭ dźviuch naminacyjach: za najlepšy tvor dla dziaciej i padletkaŭ (niezaležna ad rodu litaratury — proza, paezija, dramaturhija — aŭtaru aryhinalnaj biełaruskaj knihi) i za najlepšaje mastackaje afarmleńnie knihi (mastaku-ilustrataru knihi). Dla kožnaj naminacyi asobnaje žury vyznačyć adnaho pieramožcu. Kožny ź ich atrymaje hrašovy pryz, ekvivalentny 2000 dalaraŭ.
Kab padać knihu na razhlad, treba zapoŭnić formu na sajcie ciotka.by. Prapanavać knihu na konkurs mohuć vydaviectvy, členy žury, arhkamitet premii, a taksama sam aŭtar abo mastak i naohuł luby zacikaŭleny čytač.
U 2016 hodzie pieramožcami pieršaj Premii Ciotki stali piśmieńnica Nadzieja Jaśminska i mastačka Kaciaryna Dubovik z knihaj «Siem ružaŭ». U 2017 — Uładzimir Arłoŭ i Pavieł Tatarnikaŭ z knihaj «Ajčyna: malaŭničaja historyja. Ad Rahniedy da Kaściuški».
