Na daterminovych vybarach u parłamient Katałonii 21 śniežnia bolš za ŭsio hałasoŭ sabrała libieralnaja partyja Ciudadanos («Hramadzianie»), jakoj dastaniecca 37 miescaŭ u parłamiencie, paviedamlaje La Vanguardia. Adnak bolšaść pa sumie miescaŭ budzie ŭ troch partyj, jakija vystupajuć za niezaležnaść rehijona. Jaŭka vybarščykaŭ była rekordnaj — 82%.
Try niezaležnickija partyi: levaja ERC, pravacentrysckaja Junts per Catalunya i krajnie levaja CUP — razam zdabyli 70 miescaŭ u parłamiencie. Dla atrymańnia absalutnaj bolšaści ŭ parłamiencie Katałonii treba mieć 68 mandataŭ.
Infahrafika — Ara.cat.
Da hetaha ŭ prychilnikaŭ niezaležnaści było 72 mandaty.
Hetym składam parłamienta Katałonija zaćvierdziła praviadzieńnie refierendumu ab niezaležnaści 1 kastryčnika hetaha hoda. Jaho praviadzieńnie Madryd zabaraniŭ, a vyniki nie pryznaŭ. Paśla hetaha ŭłady Ispanii pryniali rašeńnie pra daterminovyja vybary ŭ parłamient rehijona.
Demanstracyja prychilnikaŭ niezaležnaści Katałonii.
