Amierykanskaja kampanija Apple vymušana była vybačycca za toje, što naŭmysna zapavolvaje pracu starych ajfonaŭ. Na kampaniju abrynułasia chvala krytyki za hetyja dziejańni, choć jana i zapeŭnivaje, što imkniecca takim čynam padoŭžyć termin pracy smartfonaŭ.

Apple, zajaviła, što zamienić batarei na mienšyja i ŭ nastupnym hodzie vypuścić prahramnaje zabieśpiačeńnie, jakoje dazvolić karystalnikam sačyć za stanam batarei telefona.

Padazreńni ŭ tym, što Apple, zapavolvaje pracu starych madelaŭ svaich smartfonaŭ, uźnikali i raniej, kali karystalniki pačali dzialicca ŭłasnymi viersijami na hety kont. Isnuje mierkavańnie, što, zapavolvajučy pracu starych telefonaŭ, Apple stymuluje karystalnikaŭ nabyvać novyja madeli.

Jak patłumačyła kampanija, akumulatary ajfonaŭ z časam hublajuć svaju pracazdolnaść.

«My imkniemsia zabiaśpiečyć svaich karystalnikaŭ najlepšymi mahčymaściami, što ŭklučaje ŭ siabie palapšeńnie ahulnaj pradukcyjnaści i padaŭžeńnie terminu słužby pryład. Lityjevyja batarei z časam stanoviacca zanadta słabymi dla taho, kab padtrymlivać aktyŭnuju pracu smartfona na choładzie i pry słabym zaradzie», - skazali ŭ kampanii Apple.

Prablema pryvodzić da taho, što ŭ jakaści achoŭnaj miery hadžet adklučajecca naohuł.

U novym zajavie, apublikavanym na aficyjnym sajcie kampanii Apple, vytvorca zajaviŭ, što źnizić canu zamieny batarei, harantyjny termin jakoj skončyŭsia, z 79 da 29 dalaraŭ ZŠA dla ŭsich uładalnikaŭ iPhone 6 abo paźniejšych madelaŭ.

Hetaja vymušanyja miery kampanija raspačnie, jak jana zajaŭlaje, dziela vyrašeńnia prablem klijentaŭ, pavaha da ich addanaści i adnaŭleńnie davieru ŭsie, chto moh usumnicca ŭ namierach Apple.

U ZŠA da kampanii Apple było padadziena vosiem indyvidualnych pazovaŭ pa hetym pytańni, akramia taho pazovy byli padadzienyja ŭ Izraili i ŭ Francyi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?