Raśsielhasnahlad zapadozryŭ biełaruskuju fiermierskuju haspadarku «Bradok» u pastaŭkach zabaronienaj pradukcyi raślinavodstva ŭ Rasiju i zabaraniŭ ŭvoz jaje pradukcyi.

Z 15 pa 22 śniežnia byli zatrymanyja siem aŭtamabilaŭ ź niemarkiravanaj pradukcyjaj — 16,1 tony hranataŭ, 105,7 ton tamataŭ, 1,4 tony pamidoraŭ čery, bolš za šeść ton šynkoŭ i vaśmi ton piercu.

Pry praviercy było ŭstanoŭlena, što ŭ piaci mašynach na ŭpakoŭcy tamataŭ, kabačkoŭ, piercu stajała markiroŭka tureckich pradpryjemstvaŭ, jakija nie majuć prava na pastaŭki pradukcyi ŭ Rasiju. U dźviuch inšych mašynach, naroŭni z markiroŭkaj tureckich pradpryjemstvaŭ, była vyjaŭlena markiroŭka biełaruskaha vytvorcy «FH Bradok» (Minskaja vobłaść).

«Pa najaŭnaj u Raśsielhasnahladzie infarmacyi, biełaruskaje pradpryjemstva «FH Bradok» nie źjaŭlajecca vytvorcam tamataŭ i tym bolš vytvorcam hranataŭ», — havorycca ŭ paviedamleńni. «Całkam vidavočna, što pad vyhladam pradukcyi biełaruskich pradpryjemstvaŭ na terytoryju Rasii pastupaje zabaronienaja pradukcyja. I heta nie adzinkavy vypadak», — zajavili ŭ Raśsielhasnahladzie.

Raśsielhasnahlad prainfarmavaŭ biełaruskuju słužbu pa karancinu raślin ab zabaronie z 29 śniežnia 2017 hoda pastavak padkarancinnaj pradukcyi z FCH «Bradok», a taksama paprasiŭ rasśledavańnia vyjaŭlenyja vypadki.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?