Zimovy hrybny siezon adkryŭsia ŭ lasach pad Hrodna, paviedamlaje BIEŁTA. Ciopłaja zima pryniesła dla amataraŭ cichaha palavańnia niečakanyja padarunki — praz nadzvyčajna ciopłaje nadvorje tut u studzieni vyraśli lisički.

Fota — Biełta

Fota — Biełta

Paviedamleńni pra toje, što ŭ lesie možna naźbirać hryboŭ, stali źjaŭlacca na hetym tydni ŭ sacsietkach. Hryboŭ u lesie niašmat, ale pry naležnym padychodzie na sup naźbirać možna.

Fota — Biełta

Fota — Biełta

«Viadoma, hrybam nie ŭłaściva raści zimoj. Ciapier heta źviazana pierš za ŭsio z anamalna ciopłym nadvorjem. Praciahvajuć ździŭlać i inšyja raśliny, u pryvatnaści, u Hrodnie zaćvili ružy i ramonki», — raspaviała starejšy vykładčyk kafiedry bataniki HrDU im. Janki Kupały Natalla Prybyłoŭskaja.

Fota — Biełta

Fota — Biełta

Toje, što lisički pačali raści ŭ studzieni, naŭrad ci adabjecca na ŭradžai hryboŭ u nastupnym siezonie, asabliva kali rezka nie ŭdarać marazy. Zrešty, nadvorje ŭ Hrodnie praciahvaje stavić rekordy. Naprykład, u pieršy dzień novaha hoda pavietra prahrełasia da adznaki plus 6,5 hradusa. I, miarkujučy pa prahnozach, prychodu sapraŭdnaj zimy — z marazami i śnieham — u bližejšyja dni čakać nie varta.

***

Na telehram-kanał «Našaj Nivy» možna padpisacca tut.

Клас
Панылы сорам
Ха-ха
Ого
Сумна
Абуральна